Cyflwyniad

Mae anadl ddrwg (sy'n cael ei alw'n halitosis weithiau) yn gyffredin iawn. Gallwch ei drin eich hun fel arfer. 

Sut i drin anadl ddrwg eich hun

Y ffordd orau o wneud yn siwr nad oes gennych anadl ddrwg yw trwy gadw eich dannedd, eich tafod a'ch ceg yn lân.

• brwsiwch eich dannedd a'ch deintgig yn ysgafn o leiaf ddwywaith y dydd, am 2 funud
• defnyddiwch bast dannedd sy'n cynnwys fflworid
• glanhewch eich tafod unwaith y dydd gan ddefnyddio ysgrafell neu lanhäwr y tafod
• glanhewch rhwng eich dannedd gan ddefnyddio brwshys rhyngddeintiol neu fflos o leiaf unwaith y dydd
• ewch am wiriadau deintyddol rheolaidd 
• cadwch ddannedd gosod yn lân a'u tynnu dros nos 
• defnyddiwch losin mint neu gwm cnoi heb siwgr ar ôl cael bwyd a diod sydd ag arogl cryf
• rhowch gynnig ar ddefnyddio cegolch neu bast dannedd gwrthfacterol

Peidiwch ag

• ysmygu
• golchi eich ceg gyda dŵr yn syth ar ôl brwsio eich dannedd
• bwyta llawer o fwydydd neu yfed llawer o ddiodydd siwgraidd
• brwsio mor galed fel bod eich deintgig neu eich tafod yn gwaedu 

Achosion anadl ddrwg

• bwyta neu yfed bwydydd a diodydd sydd ag arogl cryf neu sy'n sbeislyd
• problemau gyda'ch dannedd neu'ch deintgig, clefyd y deintgig, pydredd dannedd neu haint 
• mynd ar ddiet lle'r ydych chi'n colli pwysau yn sydyn iawn
• rhai cyflyrau meddygol, fel ceg sych, tonsilitis ac adlif asid 
• ysmygu

Ewch i weld meddyg os oes gennych:

• anadl ddrwg sydd ddim yn diflannu ar ôl i chi ei drin eich hun am ychydig wythnosau 
• deintgig sy'n boenus, yn gwaedu neu sydd wedi chwyddo
• y ddannoedd neu mae eich dannedd oedolion yn rhydd
• problemau gyda'ch dannedd gosod